संगमनेर तालुक्यातील पिंपळे गावात वृक्षारोपण

सामाजिक कार्यकर्त्यांच्या प्रयत्नातून पिंपळे येथे हजारो वृक्षांचे वृक्षारोपण

संगमनेर प्रतिनिधी 

संगमनेर तालुक्यातील अतिशय दुर्गम आणि दुष्काळी भागातील पिंपळे येथे सामाजिक कार्यकर्ते श्री ज्ञानेश्वर झाडगे पाटील आणि रेखा कोटकर यांच्यामार्फत सुमारे एक हजार पेक्षा जास्त रोपांचे वृक्षारोपण करण्यात आले.

गावातील प्रत्येक घर, प्रत्येक विद्यार्थी आणि प्रत्येक शेत येथे किमान एक झाड लावले जावे या संकल्पनेतून हा उपक्रम त्यांनी आपल्या माळरानावर राबवला. माळरानावर निसर्ग सौंदर्य फुलविणाऱ्या या दोन कार्यकर्त्यांची परिसरात जोरदार चर्चा सुरू आहे. अजूनही गरजेनुसार ते रोपांची वाटप पंचक्रोशीत करणार आहेत.

या कार्यक्रमासाठी प्रगतशील शेतकरी व भाजपा कार्यकर्ते ज्ञानेश्वर जाडगे, सामाजिक कार्यकर्त्या रेखा कोटकर, कविता पाटील घुगे, भाजपा तालुका अध्यक्ष सतीश कानवडे, संतोष गुंजाळ, पत्रकार काशिनाथ घुले आदी मान्यवर उपस्थित होते. त्यांच्या या उपक्रमाचे सर्वत्र कौतुक होत आहे.

त्याचप्रमाणे स्वातंत्र्यदिनाच्या मुहर्तावर दत्तवाडी येथील महिलांनी सौ रेखाताई कोटकर यांच्या मार्गदर्शनाखाली झाशीची राणी महिला बचत गट सुरू केला आहे.

मराठी बातम्या, ब्रेकिंग न्यूज मराठीत सर्वात आधी राजसत्ता न्यूजवर.. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट www.rajsattanews.com

संपादक: सहदेव भिकाजी जाधव

B.A.D.L.L&L.W

संपर्क: 9545529052