जळगावात दूध संघ अपहार प्रकरणाला नवे वळण,एकनाथ खडसेंना धक्का दुधाच्या भुकटीच्या अपहाराच्या तक्रारी प्रकरणी दूध संघाच्या कार्यकारी संचालकांना पोलिसांनी अटक केली आहे.   जळगाव, 15 नोव्हेंबर :   भाजपा आमदार मंगेश चव्हाण यांच्या दूध संघात लोणी व दुधाच्या भुकटीच्या अपहाराच्या तक्रारी प्रकरणी दूध संघाच्या कार्यकारी संचालकांना पोलिसांनी अटक केली आहे. पोलिसांच्या या कारवाईमुळे राष्ट्रवादीचे आमदार एकनाथ खडसे यांना धक्का मानला जात आहे. जिल्हा दूध संघात अपहार नसून चोरी झाल्याचा आरोप एकनाथ खडसे यांनी आरोप केला होता व या प्रकरणी चोरीचा गुन्हा दाखल व्हावा यासाठी एकनाथ खडसेंनी पोलीस स्टेशन बाहेर या आंदोलन देखील केले होते. खडसे यांनी रात्रभर पोलीस स्टेशन बाहेर ठिय्या दिला होता. दुसऱ्या दिवशी सकाळी जयंत पाटील यांनी खडसेंची भेट घेतली, त्यानंतर आंदोलन मागे घेण्यात आलं. मात्र, आता दूध संघाच्या अपहार प्रकरणी शहर पोलिसांनी दूध संघाचे कार्यकारी संचालक मनोज लिमये यांना अटक केल्याने खडसेंना मोठा धक्का मानला जात आहे. एकनाथ खडसे यांचा मंत्री गिरीश महाजन व गुलाबराव पाटील यांच्यावर निशाणा दरम्यान, जळगाव जिल...