अकोले तालुक्याचा कोण होणार जननायक..? पिचड, लहामटे, भांगरें,  संपादकीय : सहदेव भिकाजी जाधव          राज्याच्या राजकारणात मोठे अवडंबर सुरु असून राष्ट्रवादी व शिवसेना पक्षात मोठी फूट पडली आहे. या दोन्ही पक्षात  कार्यकर्ते मोठे सैरभैर झालेले दिसून येत आहे. नुकतेच अजित दादा पवार यांनी मोठे बंड केलेले सर्व देशाने बघितले. यात एकटे अजितदादांनी बंड केलेले नसून सर्वच जेष्ठ नेत्यांनी यावेळी बाहेर पडत शरद पवार यांना मोठा झटका दिला आहे. राष्ट्रवादी काँग्रेस पक्षात मोठ्या प्रमाणात दुफळी निर्माण झाली आहे. आता हीच परिस्थिती अकोले तालुक्यात देखील झाली आहे. आमदारांसह तालुक्याचे प्रमुख नेत्यांची मोठी पंचायत झालेली बघायाला मिळत आहे.          अकोले तालुक्यातील राजकीय क्षेत्रात मोठी उलाढाल सुरु असून अनेकांनी यात आपली पोळी भाजेल का याचा अभ्यास सुरु  केला आहे, अकोले तालुका तसा पुरोगामी तालुका म्हणून संबोधला जातो. जातीयवादी पक्ष्याला कधीही या तालुक्याने स्वीकारले नाही. आजपर्यंत राष्ट्रवादीचा बालेकिल्ला असाच या तालुक्याची ओळख राहिलेली आहे. हि ओळख त...