संगमनेर तालुक्यातील मांडवे बुद्रुक गावात खाजगी ट्रस्ट चे अवैध कारनामे

संगमनेर तालुक्यातील मांडवे बुद्रुक येथे खाजगी ट्रस्ट चे अवैध कृत्य...

तब्बल 17.62 हेक्टर क्षेत्रावर या ट्रस्ट चे अतिक्रमण

मांडवे बुद्रुक गावातील गट नंबर 11 या सरकारी जागेत शिव प्रभात सेवाभावी ट्रस्ट ने अतिक्रमण करून शासनाला फसवून शासनाचा निधी चा गैर वापर केला असून यांची चौकशी होणे गरजेचे आहे. राजसत्ता न्यूज च्या हाती लागलेल्या पुराव्या नुसार या जागेवर मोठ्या प्रमाणात अतिक्रमण झाल्याचे दिसत आहे. संबंधित प्रशासनाने अद्याप पर्यंत कारवाई का केली नाही असा प्रश्न निर्माण होत आहे. जवळपास 2010 पासून या ट्रस्टने अनधिकृत ताबा या जमिनीवर घेतला आहे. आज ही धार्मिकतेच्या नावाखाली या ट्रस्टने अतिक्रमण केले.. आता मात्र तेथील सर्वच जमीन जवळपास 40 ते 45 एकर वर या ट्रस्टने अनधिकृत ताबा घेतला आहे. 

सविस्तर वृत्त असे की संगमनेर तालुक्यातील मांडवे बुद्रुक येथील मुळा नदी लगत गट नंबर 11 हा सरकार म्हणून आहे. परंतु या ठिकाणी शिव प्रभात सेवाभावी ट्रस्ट ने अनधिकृत ताबा घेतला आहे. व तसेच शासनाला फसवून या जागेवर मुबलक निधी उपलब्ध करून या जागेवर अतिक्रमण केले आहे. 

सध्या गोरगरीब जनतेला राहण्यासाठी निवारा नाही. छोट्या छोट्या व्यवसायकांना आपण अतिक्रमण केले म्हणून त्या व्यवसायकवार बुलडोझर चालवतो. येथे तर एखादा गुंठा नव्हे तर तब्बल उताऱ्या च्या नुसार 17.62 हेक्टर क्षेत्रावर अतिक्रमण केले असून करोडो रुपयाचा भ्रष्टाचार केला आहे. त्यामुळे या ट्रस्टने शासनाचा निधी खोटे कागदपत्र बनवून लाटला आहे का याचा तपास होणे गरजेचे आहे. जवळपास पंधरा वर्ष या जागेवर ट्रस्टच्या नावाखाली अनधिकृत बांधकाम करून स्वाहितासाठी जागेचा उपभोग घेतला जात आहे. तसेच याच ट्रस्ट च्या नावाखाली मोठ्या प्रमाणात निधी उपलब्ध करून घेतला जात आहे याची चौकशी होणे गरजेचे आहे. महसूल प्रशासन व स्थानिक प्रशासनाने यावर तात्काळ कारवाई करावी.