जिल्हास्तरीय जागतिक ग्राहक दिन समारंभ संगमनेर येथे साजरा संगमनेर प्रतिनिधी: आज दिनांक १५/०३/२०२३ रोजी श्रीमती जयश्री माळी, जिल्हा पुरवठा अधिकारी अहमदनगर, किशोर कदम सहाय्यक जिल्हा पुरवठा अधिकारी अहमदनगर यांचे प्रमुख उपस्थितीत व ग्राहक पंचायत महाराष्ट्र राज्य संगमनेर तालुका अध्यक्ष श्री.ज्ञानेश्वर राक्षे यांचे अध्यक्षतेखाली संगमनेर तहसिल कार्यालयामध्ये जागतिक ग्राहक दिन मोठ्या उत्साहात साजरा करण्यात आला.        याप्रसंगी अमोल निकम, तहसीलदार संगमनेर, शीतल घावटे, परिविक्षाधीन तहसीलदार, अखिल भारतीय ग्राहक पंचायतीचे जिल्हा सचिव सुरेश राहणे, दिनेश थोरात, संगमनेर तालुका अध्यक्ष विनायक वाडेकर, सर्जेराव वाघ, सचिन गिरी, सौरभ म्हाळस ग्राहक पंचायत महाराष्ट्र राज्य संगमनेर तालुका सचिव, कारभारी देव्हारे, कायदेशीर सल्लागार गोडसे सर, तसेच वजनमापे निरीक्षक फटांगरे, व संगमनेर तालुक्यातील स्वस्त धान्य दुकानदार आणि मोठ्या संख्येने ग्राहक व नागरिक उपस्थित होते.       कार्यक्रमाची सुरुवात दीपप्रज्वलन करून व मान्यवरांचा सत्कार करून करण्...

शिंदे फडणवीस सरकारने शहापूर विशाखापट्टणम हायवेचा प्रस्ताव केंद्राकडे पाठवला  नेवासा प्रतिनिधी : शहापूर घोटी विशाखापट्टणम या राज्य मार्गाला ( राज्यमार्ग क्रमांक 50 ) राष्ट्रीय महामार्गाकडे हस्तांतरित करून या मार्गाचे चौपदरीकरण व्हावे असा प्रस्ताव राज्य शासनाच्या वतीने केंद्राकडे सादर करण्यात आला आहे. नेवासा तालुक्यातील कुकाना हे गाव राष्ट्रीय महामार्गाच्या नकाशावर येणार आहे.           याबाबत सविस्तर माहिती अशी की, शहापूर घोटी  विशाखापट्टणम( व्हाया अकोले - संगमनेर - श्रीरामपूर - नेवासा -  शेवगाव - गेवराई ) या राज्य मार्गाला केंद्र सरकारकडून 2017 मध्ये नवीन राष्ट्रीय महामार्ग म्हणून तत्वतः मान्यता मिळाली होती. या राज्य मार्गाचे राष्ट्रीय महामार्गात रूपांतरित होण्यासाठी स्व. माजी खासदार दिलीप गांधी, माजी खासदार भाऊसाहेब वाकचौरे, माजी आमदार बाळासाहेब मुरकुटे यांनी वेळोवेळी पाठपुरावा केला होता. या पाठपुराव्यामुळे  सार्वजनिक बांधकाम खात्याने यावर योग्य ती कार्यवाही करून दि २०/०९/२२ रोजी  सार्वजनिक बांधकाम खात्याकडून  राज्य शासनाकडे प्...

नाभिक समाजासाठी श्री संत सेना महाराज केश शिल्पी महामंडळाची स्थापना      समनापूर प्रतिनिधी -: महाराष्ट्र राज्य नाभिक महामंडळाने राज्य सरकारकडे वंचित नाभिक(न्हावी) समाजासाठी श्री संत सेना महाराज केश कला शिल्प मंडळाची तसेच विविध मागण्यांसाठी सरकारकडे वेळोवेळी निवेदन देऊन मागणी केली होती. गुरुवार दि.9 मार्च रोजी महाराष्ट्र सरकारने विधानसभेमध्ये महाराष्ट्राचे मुख्यमंत्री एकनाथ शिंदे यांच्या नेतृत्वाखाली उपमुख्यमंत्री देवेंद्र फडणवीस यांनी श्री संत सेना महाराज केश कला शिल्पी मंडळाची घोषणा करून 50 कोटी रु. तरतूद केली. महामंडळाचे राज्याचे अध्यक्ष दत्ता शेठ अनारसे, नागपूर महानगरपालिकेचे माजी नगरसेवक व भाजपचे ज्येष्ठ नेते बंडूभाऊ उर्फ सुधीर राऊत, दिलीप अनर्थे, विकास मदने, उत्तर नगर जिल्हाध्यक्ष योगेश शिंदे, दक्षिण जिल्हाध्यक्ष शांताराम राऊत, जिल्हा उपाध्यक्ष बाळासाहेब व्यवहारे, जिल्हा उपाध्यक्ष संजय कदम, महिला जिल्हाध्यक्षा प्रियंकाताई जाधव, यांनी शासनाकडे वेळोवेळी मागणी केली होती. नाभिक समाजाच्या विविध मागण्यांची दखल घेऊन राज्य सरकारने केश कला शिल्पी मंडळाला मान्यता दिली.  ...

प्रवरामाई च्या यातना संगमनेरकरांना कधी कळणार..? संपादकीय: सहदेव जाधव  संगमनेर(प्रतिनिधी): सह्याद्रीच्या कुशीतुन उगम पावणारी प्रवरा नदी पुढे येऊन शेतकऱ्यांसाठी जीवनदायिनी ठरली. दुसरे महायुद्ध सुरू असतांना इंग्रज सरकारने भंडारदरा येथे धरण बांधले. धरणाचे पाणी शेतकऱ्यांना आणि येथील उद्योगांना मिळु लागले. त्यातील डावा आणि उजव्या कालव्यामुळे हे पाणी सर्वत्र फिरले. प्रवरा नदीच्या सर्व गावांना, शेतकऱ्यांना नियमित पाणी मिळु लागले. प्रवरा नदीवर अकोले,संगमनेर,श्रीरामपूर,नेवासा असे तालुक्याची ठिकाणे असुन छोटे मोठे गावे आणि शहरं आहेत. त्यांना नियमित पाणी पुरवठा करणारी प्रवरा आता अमृतवाहिनी झाली आहे. पण याच गंगेला आता गटारीचे स्वरुप प्राप्त झाले आहे. वाढत्या आधुनिकतेच्या जगात मानवनिर्मित सांडपाणी, घनकचरा, शहरातील गटारे, साखर कारखान्याचे दूषीत पाणी, दूध कारखान्याचे सडलेले पाणी, नदीच्या कडेला असलेले स्वच्छता गृह यामुळे मोठ्या प्रमाणात  जलप्रदूषण होत आहे.         नदी पात्रातील अमर्याद वाळु उपसामुळे पात्रातील खड्यात गटारीचे डबके निर्माण होत आहे. आणि याच डबक्यातील पाणी ...

  ठाकरे गटाच्या नेत्या सुप्रदा फातर्पेकरांनी मागितली माफी; सांगितला धक्काबुक्कीचा घटनाक्रम! सुप्रदा फातर्पेकर व सोनू निगम  मुंबई प्रतिनिधी: चेंबूर येथील एका कार्यक्रमात सुप्रसिद्ध पार्श्वगायक सोनू निगम याला धक्काबुक्की झाल्याचा प्रकार सोमवारी रात्री उशीरा घडला. या प्रकाराचा व्हिडीओ सध्या सोशल मीडियावर व्हायल होऊ लागला आहे. ठाकरे गटाचे आमदार प्रकाश फातर्पेकर यांचे पुत्र स्वप्नील फातर्पेकर आणि त्यांच्या काही सहकाऱ्यांवर सोनू निगमला धक्काबुक्की करण्याचा आरोप आहे. सोनू निगमनं यासंदर्भात पोलिसांत तक्रार दाखल केली आहे. या प्रकरणी वातावरण तापत असतानाच आरोपी ठाकरे गटाच्या आमदारांचा मुलगा असल्यावरून राजकीय टीका-टिप्पणीही होऊ लागली आहे. या पार्श्वभूमीवर प्रकाश फातर्पेकर यांच्या कन्या आणि ठाकरे गटाच्या नेत्या सुप्रदा फातर्पेकर यांनी घडलेला घटनाक्रम ट्विटरवर सांगितला आहे. २० फेब्रुवारी रोजी चेंबूरमध्ये एका कॉन्सर्टमध्ये सोनू निगम यांच्या गायनाचा कार्यक्रम पार पडला. यानंतर ते स्टेजवरून खाली उतरत असताना त्यांना धक्काबुक्की झाल्याचा व्हिडीओ सध्या व्हायरल होत आहे. स्वप्नील फातर्पेकर यांनी सो...

उद्धव ठाकरे का व कुणामुळे आलेत अडचणीत सविस्तर विश्लेषण  शिवसेना पक्ष आणि त्यांचं धनुष्यबाण चिन्ह एकनाथ शिंदेंच्या पक्षाला द्यायचा निकाल निवडणूक आयोगाने दिला. निवडणूक आयोगाच्या या निर्णयाविरोधात उद्धव ठाकरे वैफल्यग्रस्त झाले आहेत.  मुंबई, 20 फेब्रुवारी :   शिवसेना पक्ष आणि त्यांचं धनुष्यबाण चिन्ह एकनाथ शिंदेंच्या पक्षाला द्यायचा निकाल निवडणूक आयोगाने दिला. निवडणूक आयोगाच्या या निर्णयाविरोधात उद्धव ठाकरे आक्रमक झाले आहेत. निवडणूक आयोगाच्या या निर्णयाविरोधात ठाकरे गटाने सुप्रीम कोर्टात धाव घेतली आहे. दरम्यान उद्धव ठाकरे यांनी पत्रकार परिषद घेत निवडणूक आयोगावर सडकून टीका केली आहे. एवढच नाही तर त्यांनी निवडणूक आयोग बरखास्त करण्याची मागणी केली आहे. या पत्रकार परिषदेतून ठाकरे चांगलेच संतापलेले बघायला मिळाले. 'घरफोडी केलेली आहे, दरोडा घातला आहे. जेवढं काही आपल्या खोक्यात घालता येईल तेवढं घातलं आहे. पोलीस चोराला सांगत आहेत, यांची दोन-तृतियांश मालमत्ता तुझ्याकडे आहे, त्यामुळे उरलेली मालमत्ताही तुझीच आहे. याला लोकशाही मानायची का? निवडणूक आयोगाने जो काही निकाल दिला आहे, हा निकाल अत्य...

 औरंगाबाद जवळील वाळूंज येथे तृतीयपंथीय च्या जाचास कंटाळून आत्महत्या        औरंगाबाद प्रतिनिधी: तृतीयपंथीय च्या ब्लॅकमेलिंगला कंटाळून एका 29 वर्षीय तरूणाने आत्महत्या  केल्याची घटना औरंगाबादच्या वाळूज परिसरातील सावतानगरमध्ये समोर आली आहे.           पैशांची मागणी करीत लग्न कर नाही, तर तुझ्या घरी माझ्या बिरादरीच्या लोकांना आणून गोंधळ घालून तुझी बदनाम करणार असं ब्लॅकमेल तृतीयपंथीयाकडून करण्यात आलं होतं. त्यामुळे झालेल्या त्रासाला कंटाळून या तरूणाने सुसाईड नोट लिहून आत्महत्या केली आहे. ही घटना रविवारी रात्री कमळापूर रस्त्यावरील रांजणगाव परिसरातील सावतानगर येथे घडली. सागर बाबुराव कोंगळे (वय 29 वर्षे, रा.न्यू हनुमानगर, गारखेडा) असे आत्महत्या करणाऱ्या तरुणाचे नाव आहे.         याबाबत अधिक माहिती अशी की, सागर कोंगळे हा वाळूज औद्योगिक परिसरातील एका खाजगी कारखान्यात कामाला होता. दरम्यान दोन महिन्यापूर्वी तो ओएसिस चौकात ज्यूस पित असताना त्याची ओळख एका तृतीयपंथीसोबत झाली होती. पुढे मैत्रीचे रुपांतर प्रेमात झाले. त्यामुळे गेल्या...